2006年7月6日   (星期四)

我又再返到呢個日記o既世界裡, 只有我自己自說自聽, 好開心.

到而家, 我開始好累啦, 因為我每天工作15小時, 人工低到見泥, 我真係好累, 我都唔知自己捱得到多久, 唔通我真係行錯路???

Nicole講o既野好o岩, 我太易信人啦, 行o有一條都唔知o岩唔o岩自己行o既路, 就貿然下決定, 實太不智啦...可能, 我呢世人就係咁無出色, 我實唔應該同人工作, 更不應拍拖. 我根本不可以自動分配好d時間, Shit...

這可能是我最後一次寫日記....再見!!

3月18日   (星期六)

今天, 只是我返新工第16天. 回想起當天對這份工作o既憧憬, 我坦言, 是相差很遠. 事實上, 更換來無限痛苦.

每天工作, 差不多超過12小時, 我真的累透了, 不只身體上, 在心理上更有難以用言語去描述的壓力. 工作已佔我每天生活的大部份時間, 我坦言很多時根本無時間抽身去打電話給女友, 更不用說親身約她.

我時常說 "一個人不知道錯是最可憐的", 但今次我卻犯了這個大忌, 到現在, 我去跟隨我以前亞姐去做工, 是對還是錯???我仍未搞得清楚, 但從女友及朋友口中得出, 我入o左呢間公司工作是絕對沒價值, 反觀更有被人利用成份. 但到現在我仍未有知道錯的感覺, 那麼, 我是最可憐的. (或許有人被我更可憐, 但至少我都當過這個角色).

心理上, 由女友在剛開始支持我, 到對我失去信心, 繼而更用一些比較尖銳的言詞責罵我, 不過只短短的一個月, 我坦言, 我心理上開始失平衡. 最主要是我沒時間陪她, 我只道我沒有好好分配時間陪她, 沒有時間跟她分享返工o既逸事及唔開心, 是我不對, 換來她對我失去信心, 我也心甘命抵. 但到了用一些比較"尖銳"的言詞責罵我, 我真的很不開心, 因為我也很需要她的支持. 我相信真的是我抵死, 一次又一次不能陪她, 但如果我能夠陪她, 真的很相她對我說 "努力啊!! 卑心機做啊!! 我一定支持你", 只要一句支持, 我相信可以頂下所有氣餒.

說真的, 我很掛念妳, 但我更愛妳, 我肯定的, 比以前還愛 

2006年3月8日   (星期三)

好耐都無寫日記啦, 一次過寫番o既之前d野, 確實有點吃力啊, haha, 不過無計啦, 好多好多野都想寫番, 但又提唔起勁去開電腦, haha...死懶鬼!!! 而家我覺得自己個人好豐富, 每一日都好滿足, 無論返工點Hard life都好啦, 總是有一點開心, 或者呢d就叫做"活在當下"啦...

今日同d鬼佬關係幾好, 有講有笑, 真係好開心, 如果將來做野都可以work得咁開心, 我覺得無論幾咁難搞都好啦, 都會好卑心機做落去, Haha, 到時我仲唔係大贏家, 咁後生就係一個Merchandising Manager, hahaa...(發夢!!!)

2006年3月4日   (星期六)

今天, 我又做錯野啦, Sorry!!! 我本身今日應該陪Nicole先 gei, 但點知我姨媽一叫到, 我就即刻仆到去打牌, 你話死唔死, 又犯錯啦, Stupid!!! 搞到Nicole又悶o左成日, 所以我特別寫o左今日日記提醒自己呢, Haha..

2005年3月1日   (星期三)

今天, 將會是本人o既新一頁, 在於某些人, 一動不如一靜, 或許我並不星好動的人, 但我卻是愛試新o野o既人, 所以我接受o左這份新o既工作, 做開荒牛. 其實我成世人都無乜點諗過會有咁o既一日, 咁快就可以幫人地好Build up 一間新工廠, 好多野我會接觸到, 但其實平時做Merchandiser唔會接觸到o既野我都要搞埋, such as HR, Account, Shipping, etc.

唔知點解, 我好興奮咁做呢份Job, 每天都係好開心o既心情去返工, 雖然我責任重大o左, 但壓力反而少o左, 我都覺得好奇怪, 但唔好理, 總之開心就得啦, Yeah...

不過最緊要, 背後總有一位女性支持我, 我好開心佢不斷Support, 雖然佢覺得我太蠢咁去接一份冒險性好大o既Job, 因為乜野Title都無, 但我相信做乜野都好, 總會有回報 (電視都有賣啦, Haaa..~~~~)

2006年2月25日   (星期六)

今日, 沒有和Nicole約去街街, 那便趁這個時間去陪下婆婆佢地飲下茶 and then再做陪打牌. 開頭都幾順啊, 一打就Win o左好幾鋪, 差唔多成2百幾3百蚊, 咁我先定d, 咁我都係徘徊呢個贏錢界限...再有七父幫我一把, 就把今次o既戰局維持到最後呢. 之後我地就再去吃飯, 其間我發覺自己不斷講野, 但最Concern 就係復活節泰國之旅, haha...因為$2000就可以去一個五星級o既Trip, 真係人生一樂也...

突然覺得自己生活好豐富啊...HAHA